वादळवेडी विस्मयकर ही दीर्घकुंतली जात…
कधी वणव्याच्या मुकुटावरती तुरा होऊनी फ़िरे
देवघरातील होते केव्हा मंद शांत फ़ुलवात
देवघरातील होते केव्हा मंद शांत फ़ुलवात
कधी पतीस्तव सती होऊनी सरणावरती चढे
कधी जारास्तव विश्व जाळूनी घुसते वनवासात
कधी जारास्तव विश्व जाळूनी घुसते वनवासात
तीर्थरुप ही कधी वाहते अमल जान्हवीपरी
कधी खिडकीतूनी मांसल हिरव्या नजरेची बरसात
कधी खिडकीतूनी मांसल हिरव्या नजरेची बरसात
नागिण होऊनी कुठे टाकते कालकुटाच्या चुळा
कुठे प्रकटतो हिच्याच देही इश्वरतेचा हात
कुठे प्रकटतो हिच्याच देही इश्वरतेचा हात
उषा होऊनी कधी करितसे प्रतिभेची लावणी
कधी शालूसम नेसून बसते ही अवसेची रात
कधी शालूसम नेसून बसते ही अवसेची रात
हसणे रुसणे कधी दावते दवबिंदूची कुळी
कधी खडकावर कठोरतेने करी लीलया मात
कधी खडकावर कठोरतेने करी लीलया मात
ही रसरंगित करी सुगंधित जीवन म्हणती जया
हिच ठेविते फुटकळ मरणे किनखापी बटव्यात
कवी – कुसुमाग्रज
हिच ठेविते फुटकळ मरणे किनखापी बटव्यात
कवी – कुसुमाग्रज