नदीबाई माय माझी डोंगरात घर
लेकरांच्या मायेपोटी येते भूमीवर
लेकरांच्या मायेपोटी येते भूमीवर
नदीबाई आई माझी निळे निळे पाणी
मंद लहरीत गाते ममतेची गाणी
मंद लहरीत गाते ममतेची गाणी
नदीमाय जळ सा-या तान्हेल्यांना देई
कोणी असो कसा असो भेदभाव नाही
कोणी असो कसा असो भेदभाव नाही
शेतमळे मायेमुळे येती बहरास
थाळीमध्ये माझ्या भाजी-भाकरीचा घास
थाळीमध्ये माझ्या भाजी-भाकरीचा घास
श्रावणात आषाढात येतो तिला पूर
पुढच्यांच्या भल्यासाठी जाई दूर दूर
पुढच्यांच्या भल्यासाठी जाई दूर दूर
माय सांगे, थांबू नका पुढे पुढे चला
थांबत्याला पराजय चालत्याला जय
थांबत्याला पराजय चालत्याला जय
कवी – कुसुमाग्रज